Monon Behavior

TRIESTINITY TEST

Welcome to the Monon Behavior's Triestinity Test. Here you can evaluate your conoscenz of triestin's monadas. Daghe dei! Struca su Play dei.
El bel mosaico dela foto in sfondo xe de Sergio Gallo, el xe a Barcola in Pineta. El mosaico. Ma anca Segio Gallo, co' vol ciapar sol ;)

RESPONSES

0/10-3/10: NO SE POL. Inutile che te ne la meni, te son furlanutis, no stà far l'indian. Co te ciapi sol a Barcola te scalpiti per 'ndar a lavorar e te brontoli che no xe parchegio pe'l trator, no va niente ben. Te devi impegnarte de più per far el finto triestin: magna meno frico, bevi meno tocai e daghe de porcina col kren e teran. Ma gavemo paura che te sia irecuperabile.

4/10-6/10: BAUL. Malamente. Te manca le nozioni basilari de triestinità. Consigliemo in primis el Corso de Clanfe Sunshine, ma te se devi aplicar. E po' cossa te fa in luglio ancora de color panza de moniga??? Cori subito Barcola a ciapar sol e bever un spritz. Ma no co'l Aperol! Rigorosamente bianco! Ah, za vedemo che te va baul e te torni casson...

7/10-8/10: BON. Ben bon, ne par ben. Se pol far de meo, ma basta che te se aplichi quel cicinin de più e te son pronto per andar a sonar con Pilat o Riki Malva o i Sardoni Barcolani Vivi o Maxino o i ULTRABULLoTS o el Guf o i Laidos o in osmiza con la clapa o insoma vedi ti dei con chi che te vol sonar, noi gavemo altro de far desso.

9/10: AILO! Grande mulo! o mula, mulon, o boba, nagana, legera, marantiga, CTF. Te rientri a pieno titolo in una dele grandi categorie de triestin. Ciò te sa quasi tuto. E za te vedemo a portar la triestinità in Friul col fapunte nel penaiolo e i trombini, me racomando, che là piovi sempre. Daghe!

10/10: QUEL. Ciò dei te le ga becade tute! Tropa roba. Too much thing! Ma coss'te fa qua davanti al computer? No te dovessi esser a ciapar sol a Barcola o in osmiza o a vardar le mule in giro pe'l mondo??? Ciò no te sarà miga un furlanutis che se ga aplicà e ga studià e lavorà sazio per risponder tuto giusto? Se cussì xe, bravo. Però desso te ga de studiar anca la pratica, fila subito a far clanfe!